Ekki bara húðkrabbi.....

Skoðið í kringum ykkur þá einstaklinga sem voru mikið í ljósum, þetta fer hræðilega með húðina, fólk eldist í andliti. Ekki fallegt.

Notkun ljósabekkja er fíkn

Að koma nakinn fram..

Ég er ekki frá því að þarna hafi einhver hitt naglann á höfuðið. Sjálfshjálparmeðferð við þunglyndi :)

Það er ekki nema von að annar hver einstaklingur á Íslandi bloggi.

Spurning um að rannsaka þetta enn frekar, það er jú alveg klárt að Ísland er besti staðurinn fyrir svona rannsókn, ef þú gengur upp að ókunnugum á götu eru líkurnar á að viðkomandi annaðhvort bloggi eða bryðji þunglyndislyf meiri en minni, og stundum jafnvel bæði.

En besta ráðið við þunglyndi er að koma nakinn fram, mér hefur ekki liðið svona vel frá því í vöggu:

http://www.karlmennogkrabbamein.is/upsidedown/

Blogg gegn þunglyndi

Úps, ég missti barnið elskan, aftur!

Það hlýtur að teljast athugavert að beina því til fólks að í lagi sé að drekka með barn á brjósti. Í öllu falli hjálpar það varla?

Ein rannsókn finnst mér ekki gefa tilefni til að slá þessu svona fram.

Það má ekki keyra eftir einn, en þú mátt handfjatla ungabarn? Eru það skilaboð sem eru siðferðislega í lagi? Þó svo barnið finni ekki á sér líka.

 

Í lagi að drekka vín með barn á brjósti

Issss..ég sat í sófanum í klukkutíma og sagði varla orð...

Þessi leikur var ótrúlegur og ég er ekki hissa á vantrú Portsmouth eftir leikinn. Önnur eins óheppni og elti leikmenn Manutd er vandfundin. Þetta víti var t.d. fáránlegt, leikmaðurinn sparkaði í andlitið á markverðinum og markvörðurinn er sendur útaf. Ronaldo átti klárlega að fá víti í fyrri hálfleik.

Skot í stöng, varið á línu, ég veit ekki hveru mörg góð færi klúðruðust. En svona er boltinn og þetta gerir hann skemmtilegan.

Portsmouth stóð sig vel og varðist eins og hetjur og þeir eiga að fá að njóta sigursins.

Hermann: Gríðarlega stoltur

Æjá, kaninn á einkaleyfi á að selja geðsjúkum einræðisherrum vopn :)

Var aumingja rússinn hann Bout að eyðileggja einokunaraðstöðu BNA til vopnasölu.

Hmmmm, hafa Bandaríkin ekki selt talibönum vopn? Eh nei þeir aðallega gáfu þeim þau...það er kannski betra? Jú og voru það ekki Bandaríkjamenn sem létu Saddam Hussein frá Miltisbrand? Eh, hann sagði þeim ekki að hann myndi nota miltisbrandinn til að reyna að eyða þjóðarbrotum.

Ég skil rosavel hvers vegna Bandarísk stjórnvöld eru svona agalega hneyksluð og heimta framsal. Kannski vantar þau hæfileikaríka einstaklinga á borð við Bout til að "díla" fyrir sig? 

Eða ætla þau að fljúga með hann um allan heim og beita ólöglegum pyntingum?

Bout neitar sekt

Að bíta sjálfan sig í bakið með gervitönnum...og segja namm!

Er virkilega betra að kaupa annan bíl og setja lækni í hann, frekar en að hafa lækninn í sjúkrabílnum?

Vá ég er alveg að fatta þetta????

Er ekki bara málið að þeir eru búnir að átta sig á vitleysunni og í staðinn fyrir að viðurkenna mistök að þá er farin einhver svona fjallabaksleið. Öryggi sjúklinga nr. 1 takk.

„Stefnumótabíll“ kemur með lækni á vettvang!

Vil frekar lyf við krabbameini....

Það er alveg rétt hjá honum að mínu mati að lyf gegn dauða myndi vera óæskilegt, en það myndi að sama skapi ekki skipta máli til lengri tíma.

Slys, sjúkdómar og sjálfsvíg myndu klára flesta hvort eð er. Ég held allavega að ég yrði leiður á svoleiðis langlokulífi fyrr en seinna og myndi þá hætta að taka lyfin. Eina spurningin er sú hvort það yrði talið sem sjálfsvíg að taka ekki lyfin sín, því sjálfsvíg eru frekar alvarleg synd hjá kaþólikkum.

Páfi: Ódauðleiki ekki eftirsóknarverður

Farsímar og tölvupóstur stressvaldar nútímamannsins

kannski ættum við að fara nokkur ár til baka og vinna hlutina hægar, skila minni framleiðni og fara svo öll á hausinn.

eða kannski ættum við að kenna fólki að takast á við stress, læra að lifa með því áreiti sem fylgir nútíma þjóðfélagi og hætta að kenna afleiðunum um. Orsök vandans liggur ekki í því að við fáum tölvupóst og símtöl í farsímana, orsökin liggur í því að okkur er ekki kennt að lifa heilbrigðu lífi, hugsa jafnt um líkama og sál og vera jákvæð.

Byrjum kennslu strax í leikskólum, jóga, íþróttir, mataræði, samfélagshegðun, ábyrgð...það er svo margt sem við getum gert annað en að slökkva á farsímanum.

Tölvupóstsstress

Þvílíkt bull, er í lagi að ljúga fyrir rétti?

Oft hefur mér fyndist dómar einkennilegir en að dæma það í lagi að ljúga að réttarkerfinu hlýtur að teljast með vafasamari dómum mannkynssögunnar.

Á hvaða lyfjum eru þessir aðilar? 

Ítalskar konur mega ljúga

Flott mál KEA!

Sé ekkert athugavert við þetta, þessi flygill mun endast í fjöldamörg ár og hin verkefnin eru bara jákvæð.

 

 

KEA kaupir flygil í Hof