Hvað er til ráða?

Hvernig smitast maður? Úðasmit við hósta og hnerra. Snertismit, t.d. með handabandi eða með snertingu við hluti í umhverfinu sem eru mengaðir. Það gerist t.d. þegar einhver hefur borað í nefið og tekið síðan á hurðarhúni sem þú síðan snertir. Einföld smitleið ekki satt oj oj en staðreynd.  Hvað er til ráða? Þeir sem eru með kvef eiga að nota bréfþurrkur til að halda fyrir munn og nef við hnerra, hósta og til að snýta sér. Henda notuðum þurrkum og þvo hendurnar. Handþvottur og meiri handþvottur til að rjúfa smitleiðir. Handhægt er að nota sótthreinsunarefni fyrir hendur. Ekki bora í nefið (ekki heldur á ljósum) ...... þá berast sýklarnir áfram til næsta manns (líka næstu konu). Kenna börnunum að þvo sér um hendurnar og snýta sér í bréfþurrkur. Rétt fyrirmynd er áhfrifaríkasta aðferðin til að koma skilaboðunum áfram.....

Flensufaraldur vekur ugg

Athugasemdir

[Anna Guðný , 14.3.2008 kl. 00:13]

Ég held að mest áríðandi atriðið sé að þvo sér nógu oft um hendurnar. Ég veit ekki hvað er til í því en einu sinni heyrði ég að yfir 80% karlamanna á almenningssalernum þvæi sér ekki um hendurnar eftir notkun (þ.e. á salerninu). Veit ekki hversu vísindaleg sú könnun var en gaman væri að vita það svona í alvöru. Það var ekkert minnst á kvennakönnun. En ég hef séð t.d. að mín börn eru dugleg að þvo sér alltaf eftir klósettferð, en sonur minn mætti þó þvo sér oftar, því það er engin takmörk fyrir því hvaða gimsteina hann finnur úti. Kom  með 3 rær og 1 krók heim í dag sem hann fann á lóðinni fyrir utan húsið þar sem hann fer í íþróttir. Þannig að almennt handþvotturog svo auðvitað að borða hollt og allt það til að byggja upp og styrkja ónæmiskerfið.